HA'U  NIA BIOGAFIA

 Agradesimentu

 Uluk nanain ha'u la haluha hato'o  ha’u nia agradese tomak ba Aman Maromak, tamba haraik ona grasa espirito santo no kbi'it tomak ba ha'u, tamba ha'u bele moris ona iha mundu ne'e no halo ha'u hetan isin saudavel atu ha'u bele hala’o ha'u nia estudu ida ne'e, la'o ho di'ak to'o agora. La haluha mos hato'o agradese ba ha'u nia Inan-Aman ne'ebe mak durante ne'e habo'ot ha'u tau matan ba ha’u to ha'u sai oan ne'ebe mak di'ak, agradese ba sira nia esforsu tomak mai ha’u, halo ha’u konese buat moris hotu ne’ebe mak moris iha mundu ne’e, sempre fo buat hotu ne’ebe mak hau hakarak, no bele haree ona mundo nia furak.

Hato'o mos agradese ba ha'u nia kolega sira, ne'ebe mak fo ona sira nia atensaun tomak mai hau no sira nia ajuda ne'ebe mak durante fo ba ha'u, iha tempo ida-ne'ebe ha'u iha tempu susar no presiza nia laran,.agradese mos ba ha'u nia familia sira seluk ne'ebe mak sempre iha mai ha'u, liu-liu ha'u nia prima no primo sira, no ha'u nia prima Grace no benicia ne'ebe mak sempre iha mai ha'u  kompremde ona ha’u no hamutuk ho ha'u bainhira ha'u preciza sira nia ajuda.

Di'ak, hanesan iha leten ha'u Fiona Santos, ne'ebe mak mai husi familia ne'ebe simples, oan husi aman sr. Julio no inan sra. Jacinta no moris hamutuk maun-alin nain ne'en (6), mak hanesan : 

1.Ronaldo Soares
2.Nhyta dos Santos
3.Felhie dos Santos
4.Daniella dos Santos
5.Auxiliadora dos Santos
6. Fiona Soares dos Santos

Ha'u sai hanesan oan dahikus iha ami nia familia laran.

Kona-ba Ha'u Nia Hahalok no bainhira sei ki'ik

 Ha'u tipikal ema nebe mak ativu iha ha'u nia moris no ativu ba iha atividade eskola, liu-liu ha'u nia estudu,  no ha'u ema ne'ebe mak hanoin ema lalais, depois ha'u senti ladi'ak ho ema nia hahalok ne'ebe mak la kona ha'u nia laran, ha'u gosta los asu tamba asu ne'e ba ha'u senti hanesan, anju ki'ik ne'ebe mak hamutuk ho ami, depois ha'u mos bele dehan nervozu lalais, maibe ida-ne'e tuir ha'u nia mood de'it, i ha'u mos senti ladiak ba ema nebe mak presiza ajuda barak, liu-liu iha relasaun kolega, exemplu karik, ha'u nia sasan ida-ne'e iha depois ha'u nia kolega seluk laiha, ne'e ha'u senti hanean ladi'ak ba ema ne'e ou se bele karik ha'u fo ha'u nia sasan ne'e ba ha'u  nia kolega, husik ha'u nia mak laiha, exeptu buat ne'ebe mak hadomi. 

    No bele dehan mos ha'u la'os ema ne'ebe mak friendly, i ha'u atu toman ema ne'e haree uluk ba ema ne'e refere, nia bele halo ha'u toman nia ka lae, maibe ha'u agradese tamba bele konese ona ha'u nia kolega sira, liu-liu ha'u nia kolega sira ne'ebe mak besik liu ha'u hanesan Iva, Cley, Abya, Wika no Tanicia, sira nain hirak ne'e ha'u konsidera ona sira hanesan ha'u nia familia rasik, tamba sira mak sempre hamutuk ho ha'u bainhira ha'u presiza buat ruma no  iha tempu difisil nia laran.

    Bainhira ha'u sei ki'ik ha'u labarik ida-ne'ebe mak bele dehan chill de'it, maibe ha'u labarik ne'ebe mak tauk atu laiha kolega, uluk ha'u sei iha pre-escolar ha'u nia kolega barak, maibe tamba sei ki'ik ita hatene katak labarik sira kuandu problema buat la importante mos sira dhn lika kolega ho nia, depois influencia malu para atu lalika kolega ho nia kolega seluk, entaun ha'u uluk ha'u nia kolega sira halo hanesan ne'e mai ha'u, depois ha'u nia kolega laiha, nebe bainhira atu ba eskola ha'u nia laran ne'e triste, tauk iha hotu. Depois bainhira ami passa klasse ba pre-escolar(senior), iha ha'u nia kolega ida foin mak tama, nia ne'e uluk sempre kasa ha'u, sempre husu ha'u nia sasan sira, foti, depois karik ha'u la fo nia sei ameasa hodi haruka ha'u nia kolega sira seluk lalika atu kolega ho ha'u, entaun tamba ha'u tauk atu laiha kolega ha'u fo ha'u nia sasan sira ida nia husu ne'e ba nia, depois tamba eskola hamutuk keleur ona ami komesa toman malu los ona, ha'u nia kolega nia hahalok lahanesan antes ona, ami la ameasa malu ona.

    Bainhira ami passa ona ka hahu tama ba Ensinu Baziku, ha'u ba eskola fali iha Eskola (Sao Luis Gonzaga-Balide), entaun ha'u fahe malu ho ha'u nia kolega sira iha pre-eskolar ne'e,depois bainira eskola iha ne'eba mos hanesan ha'u tauk atu ba eskola tamba iha ha'u nia kolega ida mak bele dehan "bully" ha'u, nia sempre haruka ha'u atu hakerek nia materia,nst..Entaun ha'u ba eskola ne'e tauk, ha'u lakohi hatete ba ha'u nia inan-aman,entaun iha momentu ida, bainhira ha'u nia pai lori ha'u ba eskola, bainhira tama tiha ba sala de aula, ha'u nia pai hare ha'u nia kolega ne'e hakilar hela ha'u, entaun ha'u nia pai ba siak nia, depoisde ida-ne'e to'o ba oin mak nia la bully kedas ha'u, depois tama ba II ciclo, ami nain rua sai kolega di'ak no sempre iha ba malu ate agora. 

    Kona-ba hahalo hanesan ko'alia liafuan kroat sira ne'e ha'u nia ko'alia tamba ha''u tauk ha'u nia inan-aman, no sira mos dehan ba ha'u atu labele hasai liafuan ne'ebe mak ladi'ak noo tolok ba ema, sira hatete mai ha'u atu tenki respeitu ema ne'ebe bo'ot liu ita no mos bo'ot hanesan.

Ha'u Bo'ot No Eskola

 Iha tinan (2013-2014) ha'u komesa hahu tama eskola ba iha ensinu  pre-eskolar durante tinan rua iha "Eskola Sao Vicente de Paulo", wainhira ha'u sei tinan ha'at no lima. Iha tinan (2015) ha'u hahu tama ba iha ensinu baziku I no II ciclo iha “Escola Sao Luis Gonzaga”, iha ne'e hau escola durante tinan ne'en nia laran, iha tinan (2018 fulan janeiru, loron 16) ha'u hahu  simu sakramentu Eukaristia iha Igreja Paroquial “Sao Jose” (Ai-mutin).No durante ha’u eskola iha eskola refere ha’u sempre hetan 1º lugar iha ami nia turma, Iha tinan 2020 hau remata ha'u nia estudu nu'udar ensinu baziku I no II ciclo.

    Iha tinan (2021) ha'u hahu tama ba iha ensinu baziku III ciclo, iha “Eskola Sao Pedro Comoro-Dili” no eskola durante tinan tolu nia laran, iha (7ano) periodu primeiru to'o iha periodu III hau hetan 1^º lugar iha ami nia turma laran, ba to'o passa ba iha  (8 no 9ano) iha 2022-2023, ha'u konsentra an ba tama iha grupo conselho estudante no ha'u sai nu'udar chefe seksaun da Muzika, tamba wainhira ha'u iha 7ano ha'u tuir kompetisaun solo(muzika) no ha'u hetan 3º lugar. 

    Bainhira ha’u iha 8ano iha periodu I ha’u hetan 2º, momentu ne’eba ha’u triste uitoan tamba durante ha’u nia estudu  ne’e ha’u seida’uk hetan 2º maibe la buat ida tamba iha ha’u hanoin hetan valor hasne mos sei bo’ot, depois bainihira ba iha period II no III bainhira simu  valor ha’u la hetan klassifikasaun, ha’u nia valor tun iha momentu ne’eba ha’u triste duni, maibe valor ne’e hatudu tuir ha’u nia habitu sira dni tamba modemntu iha 8ano ha’u ladun estuda tan ne’e ha’u nia valor tun.  Depois tina troka tama fali ia 2023, bainhira ha’u passa ba iha 9ano iha periodu I, ha’u hetan fali ona klassifikasaun, no momentu ne’eba ha’u hetan 2º lugar, ha’u kontenti tamba ha’u nia valor sa’e fali ona, maibe bainhira ba fali iha periodu II ha’u nia valor tun fali no iha ne’eba ha’u hetan de’it 3º lugar, maibe ha’u agradese nafatin. Bainira tama ba iha iha 3^º   periodo(9ano), ha’u komesa halo preparasaun maximu liu tan, tamba ami sei tuir Exame Nacional , depoisde exame, to’o ona tempu hodi simu ami nia valor/ nem no iha momentu ne’eba ha'u hetan valor ne'ebe mak di'ak iha Exame Nacional  nivel ensinu baziku, maibe la'os nu'udar ida ne'ebe mak hetan valor bo'ot liu.

    Iha tinan 2024 ha'u hahu tama ba iha Ensinu Sekundariu no kontinua nafatin iha “Eskola Paroquial de Sao Pedro Comoro-Dili”, no iha ne'eba mos iha periodu I, ha'u hetan 4º lugar de’it, depoisde ida ne’e ba fali iha periodu II, ha’u komesa esforsu an hodi hetan valor que bo’t liu husi periodu I, no bainhira de simu valor period II, ha’u nia valor sa’e no hau hetan fali 3º lugar, maske la dok husi periodu I nian, maibe ha’u nafatin agradese tamba ha’u nia esforsu ne’e la saugati no iha period III ha'u koko tenta nafatin no esforsu atu hetan valor que mais di’ak liu maibe nafatin de’it iha period III ha’u hetan nafatin 3^º lugar, maibe ha’u agradese nafatin, importante mak ha’u esforsu ona. Iha fulan Setembru ha'u konsentra an fali ba iha conselho de estudante hamutuk ho 11ano sira, no ha'u sai nu'udar membru ba iha divizaun dekorasaun, no ajuda conselho de professors sira atu hala’o atividade eskola nian ho di’ak. 

    Iha tinan (2025) mak ha'u hahu tama ba 11ano no nafatin sai hanesan conselho estudante hamutuk ho membru conselho sira husi 12 ano ate agora, no iha fulan janeiru ami conselho sira hahu fo orientasaun ba estudante foun sira durante loron tolu nia laran no rona formasaun husi professores sira kona-ba regulamentu eskola ninian, regras, sistema oinsa atu soma valor husi estudante sira hotu, no ko’alia kona-ba pontus iha eskola Sao Pedro, no ami mos hetan formasaun husi PNTL sira, kona-ba regras transito sra, nst. Depoisde loron tolu fo orientasaun no formasaun ba estudante foun sira, Eskola Sao Pedro sempre halo missa ba simu estudante foun sira no mos ami conselho estudante sira hahu simu tomada de posse.